KEVIN

SAUDI MENTAL NA KRIOLO - III


Mi nk sb kze ku kre sb ao certu sobri mi, mas mi ntem poku kza konta...
Ntinha um amigo, nu ta stab na liceu djuntu, el era d otu zona, eh tinha ces amigos i colegas d la, mas nos era smp djuntu, hoji ntem k lida ku o facto d k eh ka sta li i eh ka sta na nenhum lugar k npd alcança. Eh txoma Patrick i eh morri por "acidenti" eh kela kes ta fla. Nsabi ma vida eh fdd i ma eh kata stab na um ambiente mtu kull i seguro, ceh zona tinha munti thugs, munti problemas, eh meti na alguns, mah kenha k matal ka kes minis dce street, foi próprio polícia si buh kre pan flau!

Pah ser sincera na início nk knsg akompanha ces pensamentos pm es tinha um velocidade incrível i ta daba pa oia ceh revolta, ceh inquietaçon i ku Kevin nprendi ma pessoas ta sufri di diferenti forma, uns ta mostra d manera mas calmo i ta admiti ser vítima d situaçon embora ta esforça pa midjora, otus ta revolta d manera k es ta kre sta ph riba d tristezas i lutas, d manera tão forti k as vez es ta skecy kenha kes eh pa konsigui sigui em frente ku força i dexa fraquezas i vulnerabilidade na passado. Ndura k konsigui acompanhal mah kantu nkonsigui ndiseja volta pa tras mas n repara ma era tardi dmas...Nunka eh ka fácil tenta entra na kabeça d alguém na ritmo d kzs kes ta fala, ku intensidade kes ta poi na ces fala i manera kes ta expõe ces falhas.

Eh foi lebadu, es dal naku uns bons bes , tevi un bes k foi tão forti kes lebal hospital, eh morri la, es ka konsigui ti hoji da si mãe um justifikaçon dicenti, eh interra padas dceh fidju sabendo dretu kze ki passa, mas nunka ninguém tevi ci dignidade i sentimento em konta pa flal na ci cara kze ki passa.
E tipo ami so nknsigui bah djobel um bes, i na kel bes n oia ma eh ka stab dret, Patrick stab tudo rabentadu, eh flm meh "fluxo", meh stab ta fazi uns "moves" nfika preokupado kuel propi mas nk podia fala txeu mtu menos kestiona ces autoridade la dentu...Logo mi, um bom pexi pes meti dentu, es ta buska so oportunidade pes caça, buh ta cometi algum deslize es ta pegau i hr kes pegau buh ta xinti na pele ma sempri es kis teneu na ces moh i na alkance dces pó!
I dpx tinha tantu rapaz dentu kel kau la, jovens yo, jovens! Moda mi, minis cheio força ph fazi algo, nt akredita mes kativi tantu oportunidade, mah ces vida ka podi caba assi, ka podi, ka ta fazi sentidu.

Nblokia, nt confessa nhos man blokia i foi tão profundo k nduvida d kze k nstab ta obi. Kevin era maior problema d Maria, tirando ces traumas d passado i abandono dceh marido. Nk sta speraba obi discursos tão fortes, nt arriska ph fla ma tudo foi falado d manera responsável i sentimento bem d dentu, la di fundo, ku txeu mágua...Sempri eh kria falaba mas talbez nunka ceh casca keh construi dexal liberta i panha sol um bokadu. Na início eh flm ma nada flam eh kateni, nhos repara? Eh sta precisab so d um chance i talbez d alguns insistências pamodi pessoas tem sempri algo a fla, a não ser k es ka vivi o suficiente, mas pa kela sempri nu tem um soluçon, bebes kata fala por um motivo. Di resto, nt indentifika ku Maria, nt fala txeu, i nsab ma tudo alguem tem algo a fla!

Kevin menciona um dos problemas mas graves di Cabo Verde k nos mesmos, nu kata kre debate, nunka nu tivi oportunidade i nu kata kria oportunidade pah debate nada mesmo, sobre problemas reais dnos país, sobre forma k jovens sta caçado pa metedu na cadeia, i la dentu es kata tem nem oportunidade d desenvolvi i mas tardi contribui ku algo li fora. Si nu bah oia dret, eh tem razon na kze keh sta fla.
Inda há dias nstab ta lê uns notícias k calha bem pa disenvolvi es conversa ku Kevin, nsoube ma na cadeia d praia, eh susposto sta 602 presos, mah segundo dados d Março de 2018, tinha 1112 presos la! Cadeia d São Vicenti tinha nes mesmu époka, 250 presos qndo na verdadi eh podia acolheba na limite d limite, 200 (Observador, 2019).
Além dkes situaçons la d aperto i falta d condições, ta existi facto di k população di Cabo Verde eh jovem, nk mesti nem flau ma maioria k sta la na cadeia eh també jovens, ta fazi tudu sentidu i além d fazi sentidu, eh algo k precisa ser resolvido, pelo menos era kela k Kevin ta ripitiba tudu hora.

Pessoas ta pensa meh fácil, mah ka eh, maus tratos i falta d kzs básicos na cadeias eh real i di kela nos polítikos kata fala. Nt abri tv pan informa i sabi d kze keh pauta na Assembleia, nt oias ta coba cumpanheru na ces mãe...Inda es kre pan akredita ma ntem k ser correcto, sima es!! Es kata fadiga ku ninguém, so kues, ku ces bolso i ces família! Ci Patrick fosse fidju rico eh kata txigab kel ponto la, o máximo kes ta fazeba era txoma ces guentis i na kelotu dia ces guentis dja tinha mandadu el ph algum país "midjor"...Es flm meh midjor ser bandido na portugal do q ser bandidu na praia!

Nfala um bokadu mas ku Kevin sobre situaçon d sistema prisional na CV, eh um assuntu k ta interessam, assim como pontos do tipo violência policial i programas d reintegração d jovens, ex-reclusos, na sociedade...Pessoas precisa muda mentalidade relativamente a jovens k katem oportunidades i k ta meti na mundo d drogas i vandalismo, nem tudo es ka sta la pq labanta logo cedu i fla, nsa bem da cabo dnha vida! Eh um processo, da cabo dbuh vida eh um processo, ta dexa txeu rastos, txeu sinal i eh capaz d interrompe tudu keli ku ajuda d terceiros. Além do mais, o k eh suposto nu fazi ku tantu jovens na cadeia? Dexas trankadu ti kes morri? Ka tenta interagi kues i dpx hr kes sai pes bem kria mas problema na sociedade eh tra vida d pessoas inocente? Reintegraçon tb eh um processo k ta cumeça antis d kel pessoa sai d la. Eh keston básico d direitos humanos k nu ta obi ta faladu sempre, tudu ser humano tem direito a vivi dignament, nem si for na cadeia, ker buh ta concorda oh nau, graças a Deus nu kata vivi épokas em q torturas eh permitido legalmente na nos terra. Nu podi sim fala d aumento d penas ph ser aplikadu na certos crimes, nu pd fala d medidas mas rígidos pa lida ku violadores, nu podi fala i muda tantu, mah problema eh k nu ka kre fl d nada!
Kevin ka pára um segundo, eh tinha sempri kza pa acrescenta i nxinti meh ta contribuiba txeu ku ces experiências mesmo k poku i ku ces dor, kela sim, era visível i podia fazeba el movi mundu!

Era mtu mas fácil pa el fala ku alguém k stivesse disposto a obil sem medo d respostas, nkata akredita ma Maria fadja na edukaçon keh da Kevin, nt atxa ma eh fz td ke tinha d fazi i ma so eh kata cnsg ser um bom ovinte, pamodi eh teni medo di respostas em funçon dces medos d fracassa. Nsugiri Kevin peh procura ajuda, não pamodi eh sta na um estado clínico grave, kenha keh mi pah sabi d kela neh, mas pamodi eh podi midjora ceh vida apenas ta conversa i pamodi eh tem txeu dentu d el. Eh ka rsponden d manera positivo oh negrativo, eh limita a obi i d certa forma tudu kela pa mi fazi sentidu, eh sabia dces dificuldades, alguém tem k da tempo a tempo i buh kata consigui obriga ninguém a buska ajuda ci eh ka kre...Mesmu si ajuda txiga na el, eh kata aceital i kata ser verdadeiru. Por isso nprifiri sugiri i continua ta fala, ta pergunta, ta explora.


Nha relaçon ku nha pai nunka foi grandi kza, nt xinti meh ka abandona so nha mãe, mah eh abandonanu tambe...Eh kata importa, eh kata liga pa sabi, eh kata rspondi hr k nu envial algum mensagem, tudu hora eh sta okupadu, eh ta guarda raiva dnos, di tudu k nu ta fazi, eh kata perdoa, eh kata konsigui sigui em frente, eh kata oianu como jovens, mas sim como problemas pa ceh vida...Nkata intendi pamodi k nha mae ta insisti em fala dnos pa el, mah kela eh ceh problema keh teni k resolvi pa sigui ceh vida, nunka mas n oial ku ninguém, acho k sinceramenti eh precisa d conxi novos pessoas!! Di restu, realmenti nk tem mas nada di fla...

Eh volta a poi ceh capa d proteçon i ndexal avontadi, afinal nu kamesti abri ph mundu tudu hora, mtu menos moda ki mundu kre, nfika kontenti meh fala, nfika konteti man conxi um otu Kevin, pa ceh próprio boka...Morti i violencia envolvida na morti d Patrick ta abalal txeu, rejeiçon i falta d interesse dceh pai tambe, ta parci meh sta na um luta ph ser alguém midjor enquanto eh ta fugi d el mesmu pamodi dces fraquezas i pamodi eh sabi ma na munti aspecto, el eh parecido ku ceh pai, i como eh ta relembral munti tristeza i abandono, eh ta afasta des imagem i d el mesmo.

Kevin tem um coração grandi, el eh um mina d ouro, eh kamesti ser exploradu txeu, eh tem vontadi na explora ceh cabeça i kela ja eh bom i suficiente as vez...Nkonsigui flal peh tem mas força relativamente a desaparecimento físico d Patrick, eh poi cara a txom i eh flm obrigada.

Nk kria sai dceh djuntu, mas tevi ki ser. Nu ta xinti ma nu kre salva mundu, mas kzs eh aos poucos i kzs eh sempri em conjuntu, Kevin tinha txeu kzs ph resolvi dentu del, nxinti man apoial na medida d possível, i o facto d k eh konsigui fala dces perdas foi um grandi avanço.

Nsoube meh sta entra universidade, nk akredita kantu es flam meh Direito, mas tudu kza tem um porquê...Kevin ka foi preso nunka, sempri es txoma Maria pa bah buskal na esquadra i por sorti oh otu kza, nunka es da keixa dces vandalismos...Eh sta usa ceh previlégio ph fazi algo midjor, nk konsigui sukundi nha alegria, nha emoçon i klaro nha espanto...Nk podia pára d pensa na Maria, na ces sonhus, ceh liberdade, i forma keh transmitil mesmo na momentos keh stivi mas vulnerável.

Kevin dam apenas início dce vida, eh tem tantu peh oferece i nsa li ansiosa ph obi novidades dceh evolução. Eh inxinam julga menos, i talbez mi n nxinal arriska i a fala um poku mas.



Navvab A. Danso