MELISSA

SAUDI MENTAL NA KRIOLO - IIII


Es flam pan ser feliz, pan sta dretu i pan ser um menina sempre sorridenti ph pessoas, mas único kza k ta travam d tudo keli eh nha falta d liberdade ph ser feliz dnha forma.
Ninguém kata intendi i kata adianta n insisti txeu, nes últimos tempos ntem fikadu mas caladu, ta tenta fz nhas kzs sem txoma txeu atençon, mas msm assim ta parci ma qualquer kza k nfazi, ta spanta pessoas i ta obrigas txoman pa um kantu i perguntam kze k sa passa i pamodi k mi eh ci...

Cabeça d Melissa ta parceba sta ta infrenta um confuson danadu, mas mi sincerament nk kis fz txeu esforço ph percebi tudo detalhes pm nsabia ma d algum forma nhas interpretaçons ta serba frutu d algum julgamento, visto q mi eh um pessoa um bokadu mas velha k el, djn passa ph adolescencia, nsab ma tudo ta passa, mah ao mesmo tempo nkria um fastiu dkel fase la, pm sima td alguem, na td momentos nu kata tem alguém pa intendi nos opçons i nos pensamentos.

Único pessoa k ta intendeba mi, nha mãe afastam del i msm assim gc eh ta fc ta pidim respeito i bons notas i foco na skola, md k nha vida eh limitadu a fla "sim, sim, sim" e nunka kestiona. Quando k nt pd fz nhas escolhas i ka dpendi d aprovaçon d ninguém?

N rspira fundo i nsusti folgo, nsa binha cumpraba guerra ku Melissa kel hora la:

- Mah buh sb ma buh tem so 14 anu i buh ta dpendi txeu dbuh mãe, k eh buh único encarregado presente e nes sentido buh ka pd kre simplisment vivi vida sem da satisfaçon i sem obi consedju...buh mãe passa ph mesmos kzs k bh, ntem certeza meh kre midjor ph bh!

Nxinti medu, ndjobel d manera disisperadu ph ceh cara pan buska aprovaçon enqnto nsa reproduziba nha fala, nk podia perdeba confiança d Melissa mas tb nk kria d nenhum manera banka d amiguinha d 14 anu, pamodi nk eh, nsab ma vida tem kzs feios ph frenti i consedjus d mãe eh úniko kzs k as vez ta salvanu...Eh vira eh djobem, el tb eh respira fundo mah ku um bokadu d abuso e ironia:

- Ntem 14 anu mah nkonxi munti kza, pessoas ta atxa ma idade eh documento mas ka eh, bh msm buh ta atxa ma td k nsa fla eh disparati, por isso k nkata kre fala ku ninguem mas grandi.

Melissa pega na ceh móvel, nxinti man perdi batalha, mah n insisti:

- Melissa disculpan, mi tb qndo n era mas nova nt odiaba obi ma mi era pikinoti dmas ph intendi, por isso disculpan si n ofendeu...Longe dmi duvida dbuh potencial, aliás es ta fla ma d adolescentes ta sai ideias i pensamentos brilhantes, so k munti bes es kata bah ph frenti pm ninguem kata akredita nes.
Mah já k buh menciona, buh kre flm kenha k eh kel pessoa li k buh sta fla ma ta intendeu?

Melissa ka sb man sabi, Djuzé tinha comentado ku mi ma eh ta oiaba Melissa ta sai d carros ku uns homis mas bedju, Maria nunka kis fl d kela ku mi, mas nsabia i msm assim nk kria atakaba el pm ka era justu i nprendi ku mi mesmo ma eh ka ci k alguem ta fl ku adolescentes. Eh ka kis fl txeu, eh flm ma era um namorado k eh tinha, i ma ceh mãe proíbe ces namoro.

- Nsabi mah eh difícil Melissa, acredita man sabi...Eh difícil aceita últimos palavras pamodi nu ta atxa ma nu tem razon i nu kre um kza, eh difícil obi não i ponto final, mas há 2 ano, ndebate kel tema li na nha canal na youtube, nfala d fenómeno catorzinha i ka buh pensa meh exactamente kze k pessoas ta fla la fora...El eh um fenómeno mtu mas complexo, i ntxoma atençon ph o facto d k kes homis mas velhos, k eh pessoas mas responsáveis i k buh pd tem certeza ma conxi vida mas do k meninas d 14 anu, kata responsabilizado pah atos.

Eh fitxa ceh movel eh ragala odju pronto ph atakam ku ceh discurso:

- Catorzinhas eh kes minis k ta corri tras d homi pamodi dinheru, ami eh ka ci, nha cena tinha amor envolvido, tinha munti kza, nu tinha planos i td alguem gosta d papia kze kes ka sabi.

Foi um vai e volta d palavras até eh cnsg acalma i obim, Melissa tinha um mau feitio, eh sabia rspondi a altura e eh katinha medo...Nem mi, k tb tem um feitio pior i nsab dret monstros k n infrenta na nha adolescência.

- Buh ka pd pensa ma um pessoa di 35 sta bem fzeu kria, mostrau vida, respeitau bus fases i mostrau kzs bonitos d vida na buh tempo, ta respeita buh tempo. Um pessoa d 35 anu eh um pessoa ku mente bastanti formatado ph ces vivências o q ka mau, mas tb ka eh bom ph um menina di 14 sima boh. Buh kre pan flau ma amor katem idade, mas ka eh so d amor k relacionamentos ta vivi, ka eh so d fantasias i projectos d boka ph fora i um dia nsab moh ta bem intendi keli. Maioria das vezes, hr k um menina sta na um relacionamento ku um homi mas bedju, eh ta tendi a ser manipulado a fazi kzs keh ka kre, i a akredita meh kela keh midjor. Kata contici so pamodi dinheru, mas eh essencial buh nota na buh volta, kantu meninas k ta sufri abusos sexuais, físicos no geral i psicológico, por causa des pensamento d k es sb kze kes sa nel. Buh tem um vida ph frenti, mi ntem um vida ph frenti! Nk tem coragem, na idade k ntem, d fla ma algo eh ph sempri, pm kzs ta muda, pessoas ta bai, pessoas ta bem, vidas ta muda i bh buh tem smp k tem um único alguem na buh lado ta intendeu tudo es bus fases li e nk sta fala dbuh mãe, nsa fala dbh mesmo...Si buh ka intendi ma abh eh pessoa mas importanti dbuh vida i buh amor a bh msm, a buh tempo, a buh idade i a bus fases eh kza mas importanti k tem, buh ta st sempri ta anticipa kzs k ka eh necessário, i buh ta dxa d vivi munti kzs bunitos dbuh vida por causa d es vontadi d pula fases i vivi vida d 30 i tal anu.

Melissa bah interronpen i nk dexal, ncontinua:

- Tudu k buh mãe ta flau eh pm eh tem medo d oiau ta salta fases i ta vivi vida d manera rápido i desnecessário...Tudo fases tem beleza, tem txorus i tem alegrias, infelizmente keli eh buh soluçon suh kre realmente sta perto d kenha k ta amau, respeita fases. Obi, buh ta bem lida ku txeu problemas, pessoas ta bem rejeitau tantu na amizades como na otus tipos d relacionamentos, i kela ka devia travau d ama buh cabeça i di ser kenha k bh eh...Nsab meh complikadu difini kenha k bh eh hoje, mas kela keh piada d td isso, buh sa construi buh identidade, bus escolhas, bus gostos i buh tem chance d oia td kel magia li ta contici, enqnto buh sa na un fase k pah bem oh ph mal, kata volta mas!!
Nsabi ma buh ta tem raiva, mas eh ta passa, i dia k buh vivi dias d raiva, lembra ma keli eh so um gota, um momento d kela ta representa um gota, na um oceano k eh buh vida i td k buh tem poh vivi i resolvi di li ph frenti!! Nt enviau uns notícias i uns artigos sobre keston d exploraçon sexual na ilha d Sal por exemplo, nkria poh lê condições d alguns meninas por ka ter tido txeu escolhas, otus proteçon, otus orientaçon...ou simplesmente por ter tido azar, eh um kza k meninas dbuh idade devia da un vista d olhos i sabi mas, nos mãe ta tenta protegenu mas es kata sta na td ladu, nu tem k prendi difendi nos cabeça, eh importante Melissa, buh tem k prendi protege kenha k bh eh i kenha ku kre ser.

Melissa muda d assunto completamente, sincerament nk cnsg capta si fc feliz oh não ku td es nhas falas, mas o facto d eh ka insisti mas i eh kre continua ta fl ku mi, ntomal como um sinal positivo, mah akredita na mi, d adolescentes i dces menti buh pd spera tudo.

Eh buska mas assuntos, eh cava fundu, eh trazem um tema k lembram txeu nhas tempos, infantilidade dces colegas i d rapazes ceh perto, i o facto d k "nenhum kata interessal", d manera engraçado nflal ma realmente nenhum des kamest interessal pq eh kamesti des, i ma até certo ponto eh importante construi um relacionamento ku bh mesmo, do k ku kenha k katem nd ph ofereceu a não ser dúvidas i fases complikadus k ta simboliza crescimento i mudanças. Sociedade ta puxau ph buh skodji algo, buh tem k tem coragi d simplesmente ka kre skodji i ka kre inkaixa..mah eh claro k buh ta sufri ku td kela, mas buh ta ser livre, era kel liberdade la k Melissa kria mah keh kata intendeba md keh ta atingiba el ku "entraves" dceh mãe.

Nk bai conversa ku Melissa pan dal receitas a medida certu ph ceh vida, nbai obi ces inquietaçons i prendi algun kza kuel tb, eh ka sabia, mah eh tinha mas pah dam do q kel k ntinha ph dal na kel momento...Di certo forma n oia força i determinaçon na kel menina la, n oia potencial so k ainda um bokadu desviadu ph otus assuntus k ka eh mtu importanti ph ceh futuro mas k d algum forma td kela ta bah inxinal oia ph vida d manera diferente, nt akredita profundamente meh ta cnsg orienta, eh tem kel capacidade la, td nos nu tem, nu tem apenas k resisti a certos kzs...
Fala ku Melissa foi kza mas desafiador k ntinha feito na últimos tempos, infrenta nhas medos d passado pm na kel momento nstab na presença d alguém tão forti, determinada e inocenti quanto mi n era...Nt intendi pq k Maria ka kis fl del mtu txeu, ta atingil ainda mas pq el eh ceh mãe i di certa forma eh ta identifika txeu ku ceh filha.

Melissa fazem pensa na o qnto meninas dceh idade precisa d ser ouvidas, precisa d atençon i precisa d explikaçons mas profundo do ki simplismente obi um não. Es ta sta exposto a perigo, então pamodi k nu tem tanto medo i desconforto di fala dkes perigos? Eh realidade, kata dexa d ser, i quanto mas buh fitxas portas, mas es ta kre abris por conta própria i ku um certo revolta k ta fazes toma decisons errados i dpx lida ku frustraçon d consequências...Moda ntinha fladu, nk bai inxinal nada dmas, nbah obil i nbah planta um semente na el, na esperança d k eh ta cuida del a ponto d bira rosas. Si eh ka cuida, so tempo podi bem fla i mesmo assim, cada um ta floresce dceh forma, cada um ta prendi d ceh forma, da liberdade ph meninas pensa, age, cria i difendi ces cabeça, eh algo importanti ph um dia es akredita mes precisa d ajuda i consedjus ph bai mas ph frenti.

Nk tem fidju, pessoas smp ta fl d futuro i nt gostab d continua ta batalha ph ser alguém midjor la frenti, ph mi, ph nhas fidjus, i nt buska disenvolvi um mentalidadi di k sem liberdade ka eh possível buh kria ninguém, sem dor ka eh possível ninguém evolui, sem explikaçons ka eh possível vivi na paz.

Volta i meia ntevi k da ph percebi man identifika ku DJUZÉ, MARIA, KEVIN e MELISSA, di maneras diferentes, tudo es buska ser midjor, dces forma, otus afunda, otus sta afundadu ao mesmo tempo kre sai d kel situaçon la.

Melissa surpreendem txeu, eh ta continua ta surpreendem...
Nsoube meh opta sigui caminhos bonitos ph tem auto-conhecimento,
Nsabi ma Maria ka sta ainda satisfeita ku el, mas talvez ka eh suposto eh sta, eh suposto eh guarda ceh próprio stória i sonhus i oia ceh filha ta voa, pamodi eh kela k ta da sentido a vida, tem asas e muda.

Tudu es n agradeces, tudu es ajudan i ntem pena d ka pd ter ajudadu mas, mah so o facto d k nstevi presenti, i n proporcionas momentos d escuta ativa e reflexon, dja eh um ganhu pa mi, i nunka, mah nunka, es vidas li kata ser em vão.


Navvab A. Danso