MARIA

SAUDI MENTAL NA KRIOLO - II

Ntinha munti kuza mah ao mesmu tempu nk tinha NADA. Suh kre pan ser sinceru ku boh, nt torna ripitiu keh poh xinti tudo k un dia nxinti na mi, ntinha tudu i nk tinha nada. Eh um sentimento confuso, vazio toma conta dnha mundu i nk cnsg evita certus kzs! Guentis ta culpan ti inda, mah akredita na mi, nkria ph nhas fidjus ten otu futuru, mi meh nkria tem otu presenti si possível, ku tudu nhas forças, pagaba nha passadu, skrebi otu stória mas bunito, corrigi nhas erros, trata d traumas e sigui em frenti.


Ntinha 13 anu kantu es violan pa primeru bes. Eh dificil puxa la pa baxu, dixi nes poço i konta tudo nha esforço i nhas fracassos, mas ntem conversadu ku um psicóloga, nu sta explora nha passadu d um manera diferente, sima nunka n explora, kata contau mintira ma kata duen, mas npercebi meh pa nha bem...Nka konta ninguém, nunka ntinha konseguidu supera vergonha i medo até nhas 42 anu d idade, nem nhas amigas mas proximas dmi ka sabi d keli, kata imagina i kata percebi, nkata kre pensa na pior, mah podi ser k nos eh munti ku es dor, sem kre partilha i ta vivi na es incerteza d traumas i poku tempo pa obi nos interior!

Era um homi pa la, esturpo eh assin, katem cara, katem idade, katem cor, katem nada. Podi ser qualquer um a cometi es maldade i a sufri ku es maldade, ka buh dexa ingana, dentu d alguém keh alguém, eh ci kes ta fla i ntem k concorda, pamodi aparencia dja inganan i ta ingana ti hoji, claru k di manera diferente. Foi uns 3 bes ate eh bai preso pa um otu casu també di estupro, mah sima nfla nhos, dmeu nunka n abri boka. Foi um alívio i um sentimentu d culpa, um medo i um perturbaçon k nunka nkis partilha i mtu menos nprendi lida kuel d manera pacífico. Ka buh ingana i ka buh pensa ma nha família ka era presenti oh katinha em conta nha segurança i nha bem-estar em menti, mtu contrário d k munti pessoas ta pensa, ntinha nhas guentis, ntinha nha educaçon, nha proteçon i mesmu assi contici.

Ku 16 nkria da pa independente, nranja um namorado i nos relaçon sempri foi a base d algum imposição e gritaria, na nha inscosciente nsabia ma era erradu, so k pan fla nhos d verdadi kel k ta passaba na nha menti, era k td kela ta fazia parti d kel k nmereci. Mas um bez ka buh dexa buh capacidade d julga lebau a pensa ma mi nprendi atura violência dentu casa, eh mintira, nprendi la fora, ncustuma kuel la fora, nunkas es falam del dentu casa, talbez kela tb foi maior erro. N nguardal na menti meh kela k n merece. Anu bata passa ti k n tivi nha primeru fidju, Kevin era nha abrigo, ndal tudo kel k ntinha i nunka ndexal flam meh kria, ndal antis eh pidin i ao menos tempo nmantel longi dmi...pamodi nem mi nk sabia lidaba ku kenha k mi era na essencia. Ligaçon nunka foi perfeito, es julgam por n ter levadu nha papel d mãe dnha jeito, es ta julgau d tudo manera, hr ku bira mãe es ta julgal so como mãe, es ta skecy dbuh individualidade, dbuh passadu, dbuh presente i ma boh eh alguém k bem pa es mundo i k vivi kzs antis d tem fidju i k merece continua ta vives. Anos continua ta passa, nha relaçon nunka solidifica na casamento, tem té piada pensa ma podia, nt viveba ta atura violência, permitil i dexal avontadi na nha casa e kzs ka muda, nunka muda, nunka kata mudaba i dpx dnha segundo gravidez nfoi abandonada. Nunka nsoube lida ku abandono, nunka nsoube lida ku falta d retorno, nunka nsoube lida ku nhas traumas i nhas medos desdi cedo na nha volta i na nha menti.

Manera k nkria nhas fidjus? Nt custuma fla meh manera k nkonsigui mediante tudo nhas esforços. Ntinhas es, mas també nk tinha mas nada, ntem frequentado um ciclo d mudjeris, graças a Deus es li eh di graça, na Cabo Verde pa ser feminista buh tem k paga!! Ka pamodi nkata tinha como paga, mas pamodi kenha k nmesti i k mestem i k meste kel ciclo li, podia ka bai i ka recebi ajuda mtu menos oferece apoio por causa d dinheru! Na terra k nu ta vivi, 2 conto eh txeu dmas pah munti famílias!! Kel ciclo eh composto pa mães i chefis d família, ntem conxedu alguns histórias, i influencias d empoderamento i liberdade d mudjeris dja tem txigadu na mi ku mas força. Nu ta prendi lida ku nos medos, nu ta prendi ser mas real i menos mau ku nos mesmos, ku nos erros, ku nos passados i tb ku erros k nu podi ter cometido na criaçon dnos fidju. Tem sido interessante, Cabo Verde tem um realidade diferente di kel k munti ta fala, tem mudjeris d munti lugares, d munti estatuto social i eh preciso nu das espaço pes fala pamodi voz djes teni i suh kre pan flau, kel voz eh forti!

Maria sempri foi ceh faladera, eh ta entusiasma i ngosta dce jeito, eh dexan fl poku mas ces palavras, ces frases i ceh história, eh melodia k nkre leba ku mi pa sempre! Eh tem força mah eh ta kai, eh tem conhecimento mah eh podi erra, eh tem um passado k ta magual, mah nt oial ta fazi tudo peh supera!
Eh ka skola, família proteçon i amor k ta impidinu d passa ph munti kza, tem kzs k ta contici, ku Maria nprendi ma kzs ta contici i nu tem k sta infelizmente preparadu ph lida ku fracassos i traumas d manera mas lebi possível ph nu ka sacrifica nos cabeça.

Kevin tem stadu bastanti revoltadu ultimamente, uns guentis tem dadu kexa del, djes txoman d madrugada d esquadra ta flm meh sta la, djn bah buskal, djn cural ces feridas, djn conversa kuel, djn pidil i djn flal peh pára d kze keh sta nel, nunka eh tivi falta di nada!! Mi kela k ta spantam!!

Maria pára, djobi pah txon, ta da ph nota ma Kevin eh um dces maior razon d fronta, fadiga, mas tambe di compreenson...

Mah tb si mi ku kel idade li nsa prendi lida ku nhas luta di pa dentu, pamodi k nt exigi nha fidju perfeiçon? Es ta odjal es ta julgam ami! Es ka sabi dnhas esforços i dnhas vontadis i conbersus...Es ka sabi mah nkata desisti del, nem del, nem dmi. Eh flm ma ceh stilo goci eh assi, eh tem uns músicas keh ta obi, uns amigos k dje fazi k nk gosta i n admitil, nsab mes sa na maus kzs i útlimo bez k nsoube d algo, nmanda recadu pa ceh pai, mi nk podi lida ku tudu i fidju ka so mi k fazi. Nos discuçon eh sempri igual, eh um fronta k kata kaba mas as vez ta parci meh além d infinitu, mah ntem fé mah kata ser assi pa tudu tempu.

Di Melissa Maria ka kis fala mtu txeu, eh ceh filha i ta da pa oia meh ceh grandi enigma, sem kre ofendi ninguém mtu menos Maria...Ka da pah percebi mtu dretu kze k ta passa mas ta parci ma Maria ta lida kuel mesmo i ceh cabeça d passadu, hora keh ta lida i pensa Melissa. Mas um bes, ka da pah percebi mtu dretu, nrespeta ceh spaço i nk kis puxa mtu txeu.

Pah mas k kzs ka stab mtu dretu, foi bom sabi ma Maria sta prendi sobre ces limites dceh jeito! Eh bunito oial ta evolui, ta prendi, ta txora, ta ri, ta mostra garra ku coragem pa infrenta mundu i ces desafios. Maria nunka pára i acho k ninguém nunka kata consigui paral, so pa facto d k eh sta disenvolvi um amor pa el mesmo, na um idade k munti ta pensa ma mudjer kateni direito a mas nada a não ser a ser mãe presenti i capaz di tudu. Nkria consigui fitxa ceh stória mas eh dificil pamodi Maria tem um liberdade kuel k nkata ousa fla ma dja caba i ma dja sta. El eh livre i eh ta passau kel liberdade, eh buska ser livre i eh liberta dce passadu.

Engraçado djn conxi tantus Maria! Es ta fla ma mãe eh tudu igual mah eh mintira, kel Maria li ka igual i nem keslotu Maria. Es eh forti, es eh diferente, es eh capaz i es tem em menti mah unico kza kes tem em comum eh ces nomi. Es eh forti dces forma, eh importanti es ka tenta imita otus so pamodi nomi, Maria ta dam força i ceh stória ka podi fika pah tras d portas, ka eh vergonha nem medo k ta paral hoji, eh sta tras dces sonhus, eh teni hoji 54 anu sim i ti inda eh tem sonhus, eh vira mudjer dceh vida, eh toma posto eh assumi tudo ces erros na sequência eh toma ces medidas i eh sa fazi ceh caminhu!

Na nos despidida, sim porque nunka mas n oia Maria, n braçal, eh pertam, eh flm pan ka disisti, nflal ma ku ceh storia nk tem comu! Eh flm meh sta resisti, ma vida maltratal mah gc eh sta vivi d verdade, npertal mas forti i nflal mah eh ta inspiram i ci dpendi dmi, eh ta inspira tudu mudjeris i meninas k sta bem passa na nha vida.

Maria eh livre, Maria sempre foi alegria...Mesmo kantu es tenta pagal ceh luz, eh reivental i eh brilha.

Obrigada Maria.



Navvab A. Danso